حسين الملحم
نائب المدير العام
عدد المساهمات : 514
نقاط : 17344
تاريخ التسجيل : 11/10/2009
 |  موضوع: الفراق  السبت نوفمبر 07, 2009 1:13 pm | |
| شفتها يانواف صدفة بعد ما غابت سنين
عند قسم المختبر وسط مشفى الجامعة
جبيتها ثم قلت ممكن في سؤالي تسمحين
ناظرت فيني بدهشة نظره متواضعة
قالت انته تحسبني من بنات صايعين
تحسبني في زماني عن طريقي ضايعه
قلت أنا ما راح أطول كل أبوها كلمتين
وأبعدت عني شويه ثم جتني راجعه
قالت أسال واضح انك من رجال طيبين
بس هرجك يالسنافي كان وشهوة دافعه
قلت أنا حبيت وحده يوم كنا صغيرين
ومن ثمان أسنين راحت للمواصل قاطعه
عقبها ما ذقت نوم يهتني به النايمين
ساهر في طول ليلي لين شمسي طالعه
اذكر انه فيه حبه فوق ثغره من يمين
واذكر انه لا جرينا كان شعره تابعه
واذكر انه عاشق فالورد الياسمين
صار قلبي بالورود اللي عشقها زارعه
طابعا اسمه بقلبي فيه سين وفيه عين
وفيه ألف وفيه دال وسط قلبي طابعه
قاطعتني بقولها سبحان رب العالمين
كررتها مره ومرتين ورابعه
قلت وشفيك وشبلاك بابنيه ترجفين
ليش عينك يابنيه من كلامي دامعة
قالت الموقف وقلبي والمحبة والحنين
كيف أشوفك بعد ما كنت عنك قانعة
قلت أنا بسالك أن كأنك أنتي تذكرين
عن مواثيق ثمنها من حياتي دافعه
قالت ظروف الزمان ما تطيع العاشقين
بيعوني غصب حبك لو هو ماني بايعه
أنا في دنياي حالي كنها حال السجين
حتى لو فكوا سراحه فيه شي مانعه
زوجوني غصب واحد وحرموني حاجتين
السعادة في زماني والحياة الرائعة
والحين أنا أم لثلاثة عندي ريم وياسمين
والولد ا سمه على اسمك والمشاعر جايعه | |
|
haitham
عضو برونزي
عدد المساهمات : 214
نقاط : 16807
تاريخ التسجيل : 23/10/2009
| | موضوع: رد: الفراق السبت نوفمبر 07, 2009 4:03 pm | |
| الله عليك يا حسين ما اروعك تحياتي لك | |
|
حسين الملحم
نائب المدير العام
عدد المساهمات : 514
نقاط : 17344
تاريخ التسجيل : 11/10/2009
| | موضوع: رد: الفراق السبت نوفمبر 07, 2009 4:15 pm | |
| كلك ذووووووووووووق امير العاشقين
تحياتي الك | |
|
